ДОРНОГОВЬ АЙМГИЙН ӨДӨР ТУТМЫН МЭДЭЭЛЛИЙН САЙТ
Өнөөдөр: 2018-09-26
Ахлах ангийн нэг сурагчийг Японд төлбөргүй сургахаар боллоо

Дорноговь аймаг, Японы Шизүока мужаас гадна Вакаяама мужтай найрамдалт хамтын ажиллагаа тогтоож эхэллээ. Аймаг муж хоорондын хамтын ажиллагааны хүрээнд Вакаяама мужийн Нянрёо ахлах сургуулийн төлөөлөгчид хоёрдугаар сарын 05-нд  Дорноговь аймагт  зочлов.

Аймгийн Засаг дарга Т.Энхтүвшин  Вакаяама муж болон Нянрёо ахлах сургуулийн зочдыг хүлээн авч уулзсан бөгөөд боловсролын чиглэлээр хамтран ажиллах талаар ярилцсан байна.

Мөн  Вакаяама мужийн Нянрёо ахлах сургууль болон Сайншанд сумын ерөнхий боловсролын  тавдугаар сургуультай хамтран ажиллах гэрээ байгуулсан. Гэрээний дагуу жил бүр Сайншанд сумын ерөнхий боовсролын  тавдугаар сургуулийн 10 дугаар ангийн нэг сурагчийг Япон улсын Нянрёо ахлах сургуульд гуран жилийн хугацаанд үнэ төлбөргүй суралцуулахаар  боллоо. Сайн суралцсан тохиолдолд цаашид их сургуульд тэтгэлгээр суралцах боломж ч нээгдэх аж.



Ахлах ангийн нэг сурагчийг Японд төлбөргүй сургахаар боллоо

Сэтгэгдэл бичих

АНХААРУУЛГА: Уншигчдын бичсэн сэтгэгдэлд dornogovipost.mn хариуцлага хүлээхгүй болно. dornogovipost.com сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0