ДОРНОГОВЬ АЙМГИЙН ӨДӨР ТУТМЫН МЭДЭЭЛЛИЙН САЙТ
Өнөөдөр: 2017-11-21
Явуулын лабораториор элэгний в,с вирүсын шинжилгээ авав

Засгийн газрын хуралдаанаар  “Элэг бүтэн Монгол” хөтөлбөрийг баталж орон даяар хэрэгжүүлэх зорилт тавьсан. Дээрх хөтөлбөрийг орон нутгийн онцлогт тохируулан хэрэгжүүлэх зорилгоор  Дорноговь аймгийн ИТХ-ын Тэргүүлэгчдийн тавдугаар сарын хуралдаанаар  “Элэг бүтэн Дорноговь” дэд хөтөлбөрийг баталж хэрэгжүүлж байна.

Энэ сарын 04-нд“Элэг бүтэн Монгол”, “Элэг бүтэн Дорноговь” дэд хөтөлбөрийг сурталчлах,  2017 онд 40-65 насны бүх иргэдийг өрх, сумын эрүүл мэндийн төвд элэгний В, С вирүс илрүүлэх шинжилгээнд хамруулах зорилтын хүрээнд Дорноговь аймгийн төрийн болон хувийн хэвшлийн  эрүүл мэндийн байгууллагуудын “Нээлттэй хаалга”-ны өдөр Сайншанд хотын төв талбайд болов.

Эмч мэргэжилтнүүд явуулын  лаборатори ажиллуулж элэгний B,C вирус, дох, тэмбүү, био химийн шинжилгээ авч, явуулын эхо үзлэгийг хийсэн байна. Шинжилгээг аймгийн Нэгдсэн эмнэлгийн лабораторид хийж хариуг нь иргэдэд  хүргэх аж.

Эмч нар 2000 гаруй иргэнийг эрт илрүүлгийн үзлэг шинжилгээнд хамруулснаар 400 гаруй нь элэгний B,C вирусын халдварт тээж байгааг тогтоож  эмчилгээнд хамруулжээ.

“Нээлттэй хаалга”-ны үеэр УИХ-ын гишүүн Б.Дэлгэрсайхан аймгийн Нэгдсэн эмнэлгийн төрөх тасагт дуслын автомат шахуурга бэлэглэсэн бол  Дорноговь аймгийн сайн малчин У.Энхболд Эрдэнэ сумын Эрүүл мэндийн төвд элэгний хоёр төрлийн оношлуурыг бэлэглэв.



Явуулын лабораториор элэгний в,с вирүсын шинжилгээ авав

Сэтгэгдэл бичих

АНХААРУУЛГА: Уншигчдын бичсэн сэтгэгдэлд dornogovipost.mn хариуцлага хүлээхгүй болно. dornogovipost.com сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 1
  • Сэтггэгдэл үлдээсэн: 2017-06-07 12:55:02
    sain : goy medee bna shuu