ДОРНОГОВЬ АЙМГИЙН ӨДӨР ТУТМЫН МЭДЭЭЛЛИЙН САЙТ
Өнөөдөр: 2018-11-19
Зүүнбаянд шинэ цэцэрлэг барих ажил эхэллээ

Дорноговь аймгийн Сайншанд сумын тавдугаар баг буюу Зүүнбаян тосгоны хүүхдүүд шинэ цэцэрлэгт сурч хүмүүжих боломжтой боллоо.
Тус багт нефть олборлох үйл  ажиллагаа явуулдаг БНХАУ-ын хөрөнгө оруулалттай "Доншен газрын тос Монгол" ХХК нийгмийн хариуцлагынхаа хүрээнд 50 хүүхдийн багтаамжтай цэцэрлэгийн барилгыг барихаар наймдугаар сарын 02-нд шав тавив.
Тус цэцэрлэгийн барилгын гүйцэтгэгчээр "Хархорин Өргөө" ХХК ажиллах  бөгөөд энэ онд дуусгаж хүлээлгэн өгөхөөр төлөвлөжээ. Зүүнбаянд 2000 орчим иргэн оршин суудаг. Багийн хэмжээнд нэг цэцэрлэг ажиллаж жилдээ 120 гаруй хүүхдийг сургуулийн өмнөх насны боловсрол олгодог хэдий ч ачааллаа дийлдэггүй аж.
Энэ бүс нутагт цаашдаа Ханги-Мандалын төмөр зам ашиглалтад орж үйлдвэр, бизнес хөгжиж хүн ам нь 3500 болж өсөх магадлалтай бөгөөд дахин шинэ цэцэрлэгийн эрэлт хэрэгцээ байгаа гэдгийг албаныхан тодотголоо. Дашрамд дурдахад 2017 онд Дорноговь аймгийн Иргэдийн төлөөлөгчдийн хурлаар Сайншанд сумын тавдугаар баг буюу Зүүнбаян тосгоныг сум болгох саналыг дэмжиж, тогтоол баталж УИХ, Засгийн газарт  өргөн мэдүүлж байсан.                      



Зүүнбаянд шинэ цэцэрлэг барих ажил эхэллээ

Сэтгэгдэл бичих

АНХААРУУЛГА: Уншигчдын бичсэн сэтгэгдэлд dornogovipost.mn хариуцлага хүлээхгүй болно. dornogovipost.com сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0