“Чандмань-илч” ОНӨХХК, СӨХ-ны захирлуудтай хамтарсан уулзалт зохион байгууллаа

Уулзалтаар СӨХ-ны нийтийн орон сууцнуудад хамаарах байрнуудын инженерийн шугам сүлжээний тулгамдсан асуудал болон СӨХ-нуудын үйл ажиллагааг дэмжих зорилгоор 1.Сумын ЗДТГ, 2.Чандмань-Илч ОНӨХХК, 3.СӨХ гэсэн гурван талт гэрээний асуудлыг хэлэлцлээ.

СӨХ үйл ажиллагаа явуулж байгаа нийтийн орон сууцны байрууд дээр зарим оршин суугчид СӨХ-ны төлбөрөө төлөхгүй байгаа нь СӨХ үйлчлэгч, ажилчдынхаа цалинг тавьж чадахгүйд хүрэх, СӨХ-ны үйл ажиллагаа доголдох, зогсох эрсдэлтэй.

СӨХ-ны төлбөрөө төлж буй иргэдийн хураамжаар төлөхгүй байгаа хэсэг нь үнэгүй үйлчилгээ авч байгаад хариуцлагатай иргэд, оршин суугчдын зүгээс ч бухимдалтай байгаа юм.

Тус гэрээ байгуулагдсанаар СӨХ-ны хураамжийн төлбөрийг ус, дулааны хураамжтай хамтатган авдаг болох ба СӨХ-ны үйл ажиллагаа тогтмолжиж иргэдийн цэвэр цэмцгэр, эрүүл аюулгүй орчинд амьдрах нөхцөл илүү сайжрах юм.

Гэрээг төслийн шатанд хэлэлцэж байна.