ДОРНОГОВЬ АЙМГИЙН ӨДӨР ТУТМЫН МЭДЭЭЛЛИЙН САЙТ
Өнөөдөр: 2021-01-18
ИТХ-ын тогтоолоор сум дундын отрын бүс нутгийг баталжээ
2020-12-14 18:45:25

Дорноговь аймагт энэ жил 2.8 сая толгой мал өвөлжиж, хаваржих урьдчилсан тооцоог аймгийн ХХААГ-аас гаргажээ.

Тус аймгийн өвөл, хаврын бэлчээрийн даацыг тооцоолж гаргасан дүнгээс үзвэл нийт нутгийн 50 орчим хувьд өвөл-хаврын бэлчээрийн даац хүрэлцээтэй, 50 гаруй хувьд 1-5 дахин хэтэрсэн байна.

Үүнээс гадна бусад аймгаас 300 гаруй мянган мал отроор өвөлжиж байгаа нь цаашид өвөлжилтийн байдалд хүндрэл учирч болзошгүй хэмээн албаныхан үзжээ.

Тиймээс энэ сарын 04-нд хуралдсан аймгийн ИТХ-ын хоёрдугаар хуралдаанаар сум дундын отрын бүс нутаг болгох боломжтой 108.9 мянган га талбайг отрын хэрэгцээнд ашиглахаар батлуулсан байна. Ингэснээр отрын малчдын нутаглах газар, бэлчээрийг зохицуулах боломжтой болсон аж. 



ИТХ-ын тогтоолоор сум дундын отрын бүс нутгийг баталжээ

Сэтгэгдэл бичих

АНХААРУУЛГА: Уншигчдын бичсэн сэтгэгдэлд dornogovipost.mn хариуцлага хүлээхгүй болно. dornogovipost.com сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0