ДОРНОГОВЬ АЙМГИЙН ӨДӨР ТУТМЫН МЭДЭЭЛЛИЙН САЙТ
Өнөөдөр: 2021-01-18
Халдвар нэмэгдэж байгаа тул хөл хорионы дэглэмийг бууруулахгүй
2020-11-25 16:31:32

Энэ оны 11 дүгээр сарын 25-ны 13.00 цагийн байдлаар Дорноговь аймагт шинэ корона вирусний халдварын нэг тохиолдол  нэмэгдэж нийт 18 тохиолдол бүртгэгдээд байна.

Батлагдсан нэг тохиолдол Айраг суманд гарчээ. Одоогийн байдлаар  Замын-Үүд суманд арван дөрвөн тохиолдол, Айраг суманд дөрвөн тохиолдол бүртгэгдээд байна. Халдварын эх үүсвэр  нь төмөр замын ажилчдаас  тархаж байгаа бөгөөд тэдний ойрын болон дам хавьтлын хүрээг тодорхойлох, ажиглалтад авах ажиллагаа үргэлжилж байна.

“Эхний шинжилгээгээр сөрөг гарсан ч давтан шинжилгээгээр эерэг гарсан тохиолдол гарлаа. Одоогийн байдлаар ойрын хавьтлын 427 хүнийг тогтоож 424-т нь буюу 99 хувьд, дам хавьтлын 1517 хүнийг тогтоож 945 буюу 62 хувьд нь үзлэг шинжилгээ хийлээ.

Онош батлагдсан тохиолдлын 55 хувьд нь ямар нэгэн шинж тэмдэг илэрсэн бол үлдсэн 44 хувьд нь ямар нэгэн шинж тэмдэг илрээгүй байна.

Корона вирусний халдварын тохиолдол нэмэгдэж байгаатай холбогдуулан хорио цээрийн дэглэмийг үргэлжлүүлэн хэрэгжүүлж байна гэж аймгийн Онцгой комиссоо мэдээлэв. 



Халдвар нэмэгдэж байгаа тул хөл хорионы дэглэмийг бууруулахгүй

Сэтгэгдэл бичих

АНХААРУУЛГА: Уншигчдын бичсэн сэтгэгдэлд dornogovipost.mn хариуцлага хүлээхгүй болно. dornogovipost.com сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0