ДОРНОГОВЬ АЙМГИЙН ӨДӨР ТУТМЫН МЭДЭЭЛЛИЙН САЙТ
Өнөөдөр: 2021-03-07
Дорноговь аймагт коронавирусний батлагдсан тохиолдол 28 боллоо
2020-12-06 18:33:55

Энэ оны 12 дугаар сарын 6-ны 13.00 цагийн байдлаар Дорноговь аймагт шинэ коронавирусний халдварын 28 тохиолдол бүртгэгдлээ.

Үүний 23 нь Замын-Үүд суманд, тав нь Айраг суманд байна. Замын-Үүд сумын Нэгдсэн эмнэлэгт биеэ үзүүлэхээр ирсэн хүнээс коронавирус илэрсэн бөгөөд түүний гэр бүл ойрын хүний шинжилгээ мөн эерэг гарчээ.

"Одоогийн байдлаар онош батлагдсан 28 тохиолдлын ойрын 458 хүнийг, дам хавьтлын 2058 хүнээс 85 хувийг нь тус тус шинжилгээнд хамруулсан.

Дорноговь аймгийн хэмжээнд нийт 16268 хүнд давхардсан тоогоор 27554 шинжилгээ хийлээ. Сүүлд илэрсэн шинэ тохиолдол бол төмөр замын халдварын тохиолдолтой шууд холбоотой гэж үзэхгүй байгаа нь аюул дагуулж буй.

Өнөөдрийн байдлаар цар тахлын үед хариу арга хэмжээ авах чиглэлээр 85 эмч эмнэлгийн ажилтан, найман  автомашинтай ажиллаж байна" хэмээн аймгийн ЭМГ-ын дарга Г.Энхцэцэг мэдээлэв. 



Дорноговь аймагт коронавирусний батлагдсан тохиолдол 28 боллоо

Сэтгэгдэл бичих

АНХААРУУЛГА: Уншигчдын бичсэн сэтгэгдэлд dornogovipost.mn хариуцлага хүлээхгүй болно. dornogovipost.com сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0