/2022.07.27/ Орон нутгийн хөгжлийн сангийн 2.6 тэрбум төгрөгийн хөрөнгө оруулалтаар Сайншанд сумын 2 дугаар багт 30 ортой Халдварт, сүрьеэгийн эмнэлгийн барилга угсралтын ажлыг "Төгс-Өнөд" ХХК гүйцэтгэн ашиглалтад оруулж, өнөөдөр нээлтээ хийлээ. Нээлтийн ёслолд Монгол Улсын Их Хурлын гишүүн Б.Дэлгэрсайхан, Монгол Улсын Их Хурлын гишүүн Т.Энхтүвшин, аймгийн Засаг дарга О.Батжаргал, аймгийн Иргэдийн Төлөөлөгчдийн Хурлын дарга Б.Ганзориг болон холбогдох албаны хүмүүс оролцлоо. Халдвартын эмнэлэг ашиглалтад орсноор халдварт болон халдварт бус өвчнийг тусгаарлах стандартын шаардлага хангаж, үйлчилгээний урсгалыг зөв чиглэлд оруулан үйлчлүүлэгчид болон ажиллагсдад ээлтэй орчин бүрдүүлж, халдварт өвчлөлийг бууруулах боломжийг олгоно.