Дорноговь аймгийн Статистикийн хэлтсээс гаргасан мэдээллээс харахад, өнгөрөгч онд аймгийн хүн амын дунд нас баралтын шалтгаант цусны эргэлтийн тогтолцооны өвчин 27.3 хувь, хавдар 25.5 хувь, осол гэмтэл хордлого, гадны шалтгаант үхэл 17.1 хувийг тус тус эзэлж байна.
Харин үлдсэн хувийг хоол шингээх эрхтний өвчлөл, амьсгалын тогтолцооны болон бусад өвчлөл эзэлжээ.
Ташрамд дурдахад аймгийн хэмжээнд хийсэн хорт хавдрын тархалтын 2015 оны судалгаагаар хойд бүсийн сумдад элэгний хорт хавдрын өвчлөл Алтанширээ, Даланжаргалан, Дэлгэрэх суманд өндөр байгаа дүгнэлт гарчээ.