“Авьяаслаг хөгжимчин iv” улсын уралдаанаас нэг алт, 2 мөнгө, 4 хүрэл медаль хүртлээ

Төгөлдөр хуур хөгжмөөр хичээллэгсдийн ур чадварыг сорих, харилцан туршлага судлах, дэлхийн сонгодог хөгжмөөр дамжуулан хүүхэд багачуудын дотоод мэдрэмжийг хөгжүүлэх зорилгоор 2023.09.09-10-ны өдрүүдэд Ховд аймагт зохион байгуулагдсан “Авьяаслаг хөгжимчин IV” улсын уралдаанд Дорноговь аймгаа төлөөлөн “Ивээл” хөгжмийн сургалтын төвийн багш сурагчид оролцож, 1 алт, 2 мөнгө, 4 хүрэл медаль хүртэж, бахдам амжилтыг үзүүллээ. Өнөөдөр /2023.09.21/ улсын уралдаанд амжилттай оролцсон Ивээл хөгжмийн сургалтын төвийн Төгөлдөр хуурын дугуйлангийн багш, сурагчдыг Сайншанд сумын Засаг дарга Ч.Түвшинтөр хүлээн авч уулзаж, хүндэтгэл үзүүлж, баяр хүргэжээ.

Тус уралдаанд:

Гоцлол төрлөөр:

7-8 нас Т.Эгшиглэн – Алтан медаль

15-17 нас Б.Аандаа – Мөнгөн медаль

7-8 насны А.Халиун – Хүрэл медаль

9-11 нас Ч.Ууганзул – Хүрэл медаль

12-14 нас Ч.Ууганзул – Хүрэл медаль

12-14 нас Ц.Цэрэнжаргал – Хүрэл медаль

Ансамбль төрлөөр:

15-17 нас Б.Аандаа, Ч.Ууганзул – Мөнгөн медаль тус тус хүртсэн байна.

Ивээл хөгжмийн сургалтын төвийн багш, сурагчдадаа халуун баяр хүргэж, урлагийн өндөр амжилтыг хүсье. Хүүхэд залуусынхаа хөгжилд оруулж буй үнэт үйлсэд тань талархал илэрхийлье.