“Ковид-19” цар тахлаас сэргийлэх вакцины дархлаажуулах үйл ажиллагаа Замын-Үүд суманд эхэллээ.
Эхний удаа эмнэлэг, онцгой байдал, цагдаа, мэргэжлийн хяналтын байгууллагууд болон стратегийн чухал ач холбогдолтой үйл ажиллагааг тасалдуулалгүй явуулах хилийн боомтын байгууллагууд, сургууль, цэцэрлэгийн албан хаагчдад хийхээр төлөвлөсөн байна.
БНХАУ-ын Синофарм үйлдвэрийн нийт 2000 хүн /тун/ вакциныг УОК-ын даргын холбогдох тушаалын дагуу таван өдөрт багтаан хийхээр байнгын хоёр цэг ажиллаж буй.